Nêweşxaneyê Perwerde û Cigêrayîşî yo Gazî Yaşargîlî qezaya Peyasî de yo. Hemwelatîyê ke wazenê biresê nêweşxane, seba problemanê rayîr û peyerayîran kewenê tengasîye.
Bitaybetî çalê ke rayîran ser o ameyê meydan û goletê awe yê ke dima şilîye virazîyayê, ravêrtişê ramitoxanê wesayîtan kenê zehmet; peyerayîrê xirabî yê dormeyê nêweşxaneyî zî rayraşîyayîşê peyeyan kenê giran.
Hemwelatîyî wazenê ke problemê resayîşî yê serê rayîr û dormeyê nêweşxaneyî yew deqe verê cû bêrê safîkerdene û selahîyetdaran ra pawenê ke çareyêk bivînê.
Kaynak: Zazakî News
