Qezaya Amedî Erxenî de bi organîzasyonê Egîtîm Senî kursê Zazakî ke dest pêkerd dewam keno. Kurso ke hetê mamostayê Zazakî Mehmet Şah Aslan ra yeno dayîş rê, heta nika nezdîyê 40 kesan muracat kerdo.
Kursê ziwanî ke hetê Şubeya Egîtîm Senî ya Erxenî ra yeno organîzekerdiş, tede dersî bînaya sendîkaya (Egîtîm Sen) ke Erxenî de ya, uca yenê dayîş. Mamostayê ziwanî Mehmet Şah Aslan o ke perwerdeyê kursî dano, derheqê xebata newîye de malumatî pare kerdî û da zanayîş ke eleqeyêko zaf baş ê şarî esto.
Aslanî va : “Ma par Erxenî de kursê Zazakî akerdbi. Waştişê embazan ser o ma emser zî kursê xwu akerd. Emser zî nêzdîyê 40 tenan mirecatê kursê ma kerdo.”
Heto bîn ra nuştox û wayîrê Weşanxaneyê Roşna Roşan Lezgînî zî semedo ke paştî bido kursê Zazakî rojêk cayê dayîşê kursî ziyaret kerd û kursîyeran dir sohbet kerd.
