Goreyê xebera keyepelê Mîzanî yo ke girêdayeyê Dezgehê Dadwerîye ya Îranî yo, di tepişteyê ciwanî bi nameyê Emîrhuseyîn Melîkî û Emîrhuseyîn Îbrahîmî ameyî îdamkerdiş.
Ciwanê ke ameyî daliqnayîş, bi sûcdarîya şewa 8ê sibata 2026î Taxa Melîkşehrî ya Meydanê Alîxanî yê Îsfahanî de tewrê protestoyan bîyê.
Goreyê eşkerayîya mehkeme, nê di kesî bi îdîayanê "muharebe (dişmenetîya a vera Homayî), xirabkerdişê asayîşê neteweyî ameyî muhakemekerdiş û derheqê înan de qerarê cezaya mergî (îdamî) ame dayîş. Mehkemeya Berze ya Îranî zî no qerar tesdîq kerd û peyê prosesê temyîzî ceza amey înfazkerdiş.
Eynî dosya de Îranî verê cû zî di kesê bînî bi nameyê Elî Riza Sepahî û Elî Riza Reîsî daliqnaybî. Hukmatê Îranî îdîa keno ke şewa hedîse komekê hêrişê hêzanê asayîşî kerd û 4 wezîfedarê asayîşî ameyî kiştiş.
