Mergê hunermendî hetê şewirmendê ey ra bi eşkerayîyêka nuştekîye ame parekerdiş. Ame vatiş ke Stewartî rîyê nêweşîyanê Alzheimer û lewy-demansî ra merdo.
Bi rolê Kaptan Picardî ame şinasnayîş
Kaykero îngilîz Patrick Stewart, bi taybetî silsileya Star Trekî de bi rolê Kaptan Jean-Luc Picardî ame naskerdene. Stewartî rêzefîlma Star Trek: The Next Generation a ke hewt sezonî ramite û fîlmê 1994î Star Trek Generations de gan da eynî karakterî.
Hunermendo ke bi serran nê rolî reyde ame şinasnayene, dima bi rêzefîlma Star Trek: Picard reyna agêra sînema. Rêzefîlme de sezono 3în de Stewartî Kaptan Picardî xatir waşt.
X-Men de can da Profesör Xî
Patrick Stewart teberê Star Trekî de, rêzekayê fîlman ê X-Menî de bi rolê Profesor Charles Xavierî de ca girewst. Stewart bi nê rolî zî heme dinya de resayo heskerdoxanê xo yê zafan.
