Ekîbê DYAî Inter Miami, temsîlkarê Meksîka Cruz Azulî bi 2-0 mexlub kerd û bi wayîrê Kupaya Şampîyonan ya Konfederasyona Futbolî ya Amerîkaya Vakurî û Mîyanêne û Karayîpan (CONCACAF); starê futbolî yê Arjantînî zî mîyanê nê kayî de golêk eşt û gola xo ya 100. Ya klubî de qeyd kerd.

Messîyo ke tewr peyên Kupaya Şampîyonan berz kerd, pîya bi 48 kupayanê xo, unwanê xo yê kaykerê ke tarîx de tewr zaf kupayî gîrewtî dewam kerd.

Kişta Messî de, starê Portekîzî Cristiano Ronaldo yo ke serranê 2000an de mîyanê futbolê dinya de rayber bi zî kariyerê xo de pêro pîya 35 kupayî gîrewtî.

Kupayê ke ey bi formayanê Arjantîn, Barcelona, PSG û Inter Miami gîrewtî

Starê futbolî yê Arjantînî, kariyerê xo de bi formayanê Barcelona, Paris Saint-Germain û Inter Miami yê ke tede kay kerd, 42 kupayî gîrewtî.

Messi pîya bi Taxımê Millî yê Arjantînî 6 reyî û kariyerê xo ya klub û taximê millî de pêro pîya 48 kupayî gîrewtî.

Kupayê ke Messî mîyanê klubanê xo û taximê millî de gîrewtî wina yê:

Taxımê Millî yê Arjantînî (6 Kupayî)

· Kupaya Dinya ya FIFA: 1

· Copa America: 2

· Finalissima: 1

· Olimpîyat: 1

· Kupaya Dinya ya FIFA U-20: 1

Barcelona (35 Kupayî)

· Şampîyonîya La Liga: 10

· Kupaya Qralî ya Îspanya (Copa del Rey): 7

· Kupaya Super ya Îspanya: 8

· Lîgê Şampîyonan yê UEFA: 4

· Kupaya Super ya UEFA: 3

· Kupaya Dinya ya Klubanê FIFA: 3

Paris Saint-Germain (3 Kupayî)

· Şampîyonîya Ligue 1: 2

· Kupaya Super ya Fransa: 1

Inter Miami (4 Kupayî)

· Kupaya Lîgî: 1

· Kupaya Şelpa Alîgiran ya MLS: 1

· Kupaya MLS: 1

· Kupaya Şampîyonan ya CONCACAF: 1