Seba ke stadyûmê ci tadîlat de yo 12 Bîngolspor maçanê keyeyê xo bajaranê cîya-cîyan de mecbur kay kerdêne. 12 Bîngoldpor o ke TFF Lîgê 2. de kay keno da zanayîş ke nika ra pey maçanê xo yê zereyî Anqara de kay bikero.
Goreyê eşkerakerdişê kulubî, proseso ke seba kaykerdişê maçan ê Anqera de ame ramitiş de, paştdayîşê dezgeh û şexsîyetanê cîya-cîyan ame girewtiş. Îdareyê 12 Bîngoldporî, seba hetkarîyanê înan Serekê Dayîreyê Xizmetanê Destekî yê Şaredarîya Şaristanê Girdî ya Anqere Alî Okatan, Koordînatorê Pêroyî Aykut Atîk, parlamenterî Feyzî Berdîbek û Zekî Korkutata, Serekê Kulubî yo verên Engîn Ozturan û Dogan Kayayî rê sipas kerd.
Seba terefdaran vengdayîşê trîbunî
Dima ke Stadyûmê Osmanli yê Anqera sey adreso newe yê maçan aşkerekerdiş, kulubî terefdaranê xo yê ke Anqera û bajaranê dorûverî de cuyenê rê zî veng da.
Eşkerakerdiş de ame waştiş ke wa terefdarî taximî tena caverdê, trîbunan de bêrê têhet û paştî bidê taximo kesk û sipî.
