Temsîlkarê Dîyarbekirî yo ke lîg de bi 20 puanan rêza diyîne de ca gêno, hedef keno ke reqîbê xo yo bi 3 puanan mexlûb bikero û ferqê puanî yo mabênê xo û lîder Galatasarayî kêm biko.
Amedsporo ke Trendyol Super Lîg de têkoşînê lîderîye domneno, roja yewşemeyî 1ê teşrîna peyêne de do Eyupsporî bikero meyman. Maço ke Stadyûmê Dîyarbekirî de saete 13.30 de dest pêbikero de taximo kesk û sûr, verê terefdaranê xo de wazeno serbikewo.
Amedsporo ke di maçanê peyênan ê lîgî de Konyaspor 1-0 û Samsunspor zî 2-1 mexlûb kerdî, bi 20 puanan rêza diyîne de yo.
Amedspor wazeno ferqê bi lîderî dir kêmî bikero
Lîg de 9 maçanê vîyarteyan de Amedsporo ke 6 serkewtişî, 2 seypêmendişî û 1 binkewtiş girewtê.
Hewteyo ke lîder Galatasaray resa 25 puanan de temsîlkarê Dîyarbekirî, wazeno vera Eyupsporî qezenc bikero û puanê xo bivejo 23î.
Eyupspor rêza peyêne de ca gêno
Reqîbê Amedsporî Eyupsporî zî lîg de 9 maçanê vîyarteyan de tena yew serkewtiş girewto.
Temsîlkarê Îstanbulî yo ke bi yew serkewtiş û 8 binkewtişan 3 puanî arê dayê, rêza 18. û peyêne de ca gêno.
Maçê Amedspor-Eyupsporî saete çend de yo, kamcîn kanal de yo?
Têkoşînê mabênê Amedspor û Eyupsporî, roja yewşemeyî 1ê teşrîna peyêne de saete 13.30 de Stadyûmê Dîyarbekirî de do bêro kaykerdene.
Hakemê maçî Alpaslan Şen o. Têkoşîn do ekrananê beIN SPORTS 1î ra bi weşano ganî bêro weşanayene.
