Amedspor Lîga Super a Trendyolî de mîyanê 7 maçan de bi arêdayîşê 14 pûanan rêza 3îne de ca gêno. Maç ewro saete 16.00 de Stadyumê Bajarî yê Amedî de dest pêkerd. Amedspor hewteyo vîyarte de deqîqayanê peyênan de gole werdbi û vera Gençlerbirliğiyî pûan vîndî kerdbi; na raye seba domnayîşê taqîbê lîderîye wazeno vernîya terefdaranê xo de bi ser bikewo. Maç hetê hakem Ozan Ergünî ra yeno îdarekerdene û ekrana beIN SPORTS 2 ra zindî yeno weşanayene.
11ê Amedsporî
11 futbolbazê ke ewro kay kenê wîna yê
Amedspor: Lafont, Krasniqi, Mehmet Yeşil, Bates, Umut, Furkan, Raveloson, Saba, Ballet, Lutin û Orban.
Konyaspor zî bi nê qadroyî sehne gêno:
Konyaspor: Bahadır, Andzouana, Rayyan, Awaziem, Masuaku, Jevtovic, Melih, Toth, Deniz, Gonçalves û Muleka.
Hedefê Amedsporî girewtişê 3 pûanan o
Amedsporo ke wazeno rêzanê serênan de cayê xo bipawoo, seba serkewtiş û girewtişê 3 pûanan kay keno. Tîmo kesk û sûr wazeno bi nê maçî hewteyo verên telafî bikero hem zî îdîaya xo ya kûpaya şampîyonîye xurtêr bikero.
Saete û qenalê weşanayîşî
Maçê Amedspor û Konyasporî ewro saete 16.00 de Stadyumê Bajarî yê Amedî de yeno kaykerdene. Hakemê maçe Ozan Ergün o û maç kanala beIN SPORTS 2 ra zindî yena dayene.
