Mesajo ke 18ê teşrîna peyêna 2026î de bi sernuşteyê “Ma Cemal Pîranijî xo vîr ra nêkenê” ame weşanayene de, ame vatene ke ê bi xemgînî pêhesîyayê ke embazê înan Cemal Pîranijî Îstanbul de dinyaya xo bedilnaya. Mesaj de keda ey ya seba ziwan û kulturê zazakî û destpêkê weşanîyayîşê kovara Vateyî ser ame vindertiş.

Mesajê serweşîye yo ke hetê 27 endamanê Grûba Xebate ya Vateyî ra ame îmza kerdene wina yo:

“Ma vizêr, 17.11.2026 de, bi xemgînî pêhesîyayî ke embazê ma Cemal Pîranijî, Îstanbul de dinyaya xo bedilnaya. Cemal Pîranij, yew welatperwer û xebatkarê miletê ma bi. Ziwan û kulturê ma ra hes kerdêne û nê warî de çi ey dest ra biameyêne, texsîr nêkerdêne.

Destpêkê weşanîyayîşê kovara Vateyî de keda Cemalî, bitaybetî Îstanbul de, zaf a. Cemal sey yew welatperwerê miletê ma do hertim vîrê ma de bo.

Xwezî bi înan ke vîrê şarê xo de manenê! Xwezî bi Cemal Pîranijî.

Wa ruhê ey şa bo!”

Nameyê îmzakerdoxanê mesajî zî wina yê:

Unîversîteya Dîcle de perwerdeyê Zazakî û Kurmanckî: Wendekarî hem ziwan hem edebîyat musenê
Unîversîteya Dîcle de perwerdeyê Zazakî û Kurmanckî: Wendekarî hem ziwan hem edebîyat musenê
İçeriği Görüntüle

Agon Şadê (Çewlîg), Aldatmaz Guntaş Nadîre (Dêrsim), Altun Netîce (Pasûr), Aytekîn Hacî Îbrahîm (Çêrmûge), Başaran Murad (Sêwregi), Bedirxan Serdar (Pîran), Bîngol Îbrahîm (Gimgim), Canşad Murad (Dêrsim), Celalî Nureddîn (Çewlîg), Diljen Haydar (Sêwregi), Espar J. Îhsan (Pîran), Gunduz Deniz (Gimgim), Gunduz Neymetullah (Gêl), Îlbasmiş Ronya (Sêwregi), Karakaş Tahîr (Kangal), Karasu Doxan (Çewlîg), Kirkan Ehmed (Sêwregi), Kulu Huseyîn (Dêrsim), Kurij Seyîdxan (Çewlîg), Malmîsanij M. (Pîran), Mûrat Selîm (Pali), Olmez Mehmet (Gêl), Sermîyan Ugur (Dêrsim), Urgun Şukrî (Hêni), Xeylanij Muzafer (Pali), Yildiz Pinar (Licê) û Yildizhan Weysel (Çêrmûge).

27 Endamanê Grûba Xebate Ya Vateyî Ra Seba Mergê Cemal Pîranijî Mesajê Serweşîye1