Edebîyatê zazakî (kirdkî) bi berhemanê neweyan hîna dewlemend beno. Neşırxaneyê Viri yo ke ziwan û edebîyatê zazakî ser o xebatanê xo rê dewam keno, aşkere kerd ke romano newe yê nuştox Xıdır Erenî yo bi nameyê "Derya" vejîya.

Weşanxaneyî bi eşkerayîyêka kilme kitabê neweyî wendoxan rê da şinasnayîş û da zanayîş ke roman refanê kitabxaneyan de cayê xo girewto.

Nasnameyê kitabî:

Nameyê Kitabî: Derya

Nuştox: Xıdır Eren

Tewir: Roman

Weşanxane: Neşırxaneyê Vir

Serra Çape: 2026

Xıdır Eren kam o?

Xıdır Eren (15ê sibata 1957î, Pulur/Dêrsim), perwerdekar, sosyolog, nuştox û cigêrayoxo ke ziwan û kulturê zazakî ser o xebate keno.

Mektebo verên dewa xo (Zeranige) de, mektebo mîyanên Keban de, mektebê mamosteyîye zî merkezê Dêrsimî de qedêna. Peyê xebata derge ya mamosteyîye û kademeyanê cîyayan ê perwerdeyî de, Beşê Sosyolojî yê Unîversîteya Îstanbulî qedêna û eynî war de lîsanso berz (master) kerd.

Amed de konferansê edebîyat û aştî: Nuştox û roşnvîrî ameyî yene têhet
Amed de konferansê edebîyat û aştî: Nuştox û roşnvîrî ameyî yene têhet
İçeriği Görüntüle

Xebatanê pawitiş û ganîkerdişê ziwanê zazakî de ca girewt; prosesê ronayîşê Komeleya Ziwan û Kulturê Zazayan de rolêko aktîf kay kerd.

Teberê şîîr, hîkaye û meqaleyanê zazakî de; waranê sosyolojî, nasname û perwerdeyê ziwanî de kitabî nuştî. Mîyanê nînan de kitabê sey Zazaca Ders Kitabı (Kitabê Dersa Zazakî) û Zazalar'da Parçalı Yapı (Zazayan de Awanîya Parçekerdîye) ca gênê.