Amed de Konferansê Edebîyat û Aştî ke derheqê pêkerdiş, pîyaciwîyayîş û ziwanî de yo, ewro dest pêkerd. Konferanso ke hetê PEN-a Mîyanneteweyî û PEN-a Kurdî ra yeno organîzekerdene, bi piştîya Şaredarîya Amedî ya Şaristanê Girdî, Şaredarîya Peyasî, Şaredarîya Rezanî, Şaredarîya Bajarê Neweyî û Şaredarîya Sûrî yeno viraştiş.
Pîyaciwîyayîş û rolê edebîyatî
Konferans bi şîarê "Aştî, Pêkerdiş û Pîyaciwîyayîşî de Rolê Edebîyat, Ziwan û Roştîbîyayîşî" yeno viraştiş. Mîyanê roniştinan de tesîrê ziwan û edebîyatî yê serê cuyêka demokratîke û aştîyane yenê ercnayîş.
Bername bi tewrbîyayîşê Hemserekê Şaredarîya Şaristanê Girdî Serra Bucak û Emîn Ay, ewro 6ê teşrîna peyêne ya 2026î de saete 09.30 de Salona Alî Emîrî ya Şaredarîya Şaristanê Girdî de şarî rê akerde dest pêkerd.
