Semînero ke hetê Yewîya Mamosteyanê Kurdan a Ewropa (UEKE) û Enstîtuyê Kurdî yê Parîsî (Institut Kurde de Paris) ra yeno organîzekerdene, 7ê teşrîna peyêne ya 2026î de mabênê saetanê 16.00-18.00î de yeno viraştene. Semîner bi sernameyê "Li Ser Zazayan û Zazakî" yeno dayîş û qiseykerdişî bi zazakî (kirdkî) û kurmancî benê.
Moderatortîya semînerî Dr. Amr Taher Ahmed keno û bername de di panelîstî ca gênê:
Seyîdxan Kurij (Nuştox / Cigêrayox): Bi sernameyê "Tarîxê nuştiş û edebîyatê zazakî (kirdkî)" averşîyayîşê edebîyatê kirdkî û tarîxê nuştişî ser o qisey keno.
Mehmet Selîm Uzun (Sîyasetmedar / Nuştox): Bi sernameyê "Lêgerîna nasnameya zazayan û sîyaseta partîyên kurdan li ser ziman û zaravayên kurdî" cigêrayîşê nasnameyê zazayan û polîtîkayanê partîyan ê serê ziwan û fekanê kurdkî ercnano.
Semîner cayê Enstîtuyî yo ke adresa "106 rue La Fayette 75010 Paris" de yo de şarî rê akerde yeno dayîş.
