Bazarê huşkmeyweyan ê Çêrmûge yo ke tede zaf berhemî yenê rotiş rê, bajar û qezayanê dorûverî ra eleqeyêko pîl yeno mojnayîş.
Bazar de pîya bi berhemanê sey bastêq, mot (dims), meşlûre (sucuxa gozan), goze, vame, engura huşke, tuya huşke, mişmişa huşke, hingimên, penîr û rûnê kele; rotişê heywananê ganîyan ê sey kerge zî yeno kerdiş.
Bazaro ke qeza de rojanê dişeme û îne de yeno ronayîş de, berardoxî eşkenê berhemanê ke berardê bê mîyancî rasterast biresnê şarî. Zîyaretkarê ke seba derman û şîfayî yenê germikanê Çêrmûge yê bi mîneralanê tewr zengînan ê Tirkîya, rayîrê agêrayîşî de sere danê bazarê huşkmeyweyan û hewcedarîyanê xo temîn kenê.
