Kurd Kawî semedê averberdişê edebîyatê Kurdkî musabeqayêka hîkayeyan organîze keno. Beşdarî eşkenê berhemanê xo mabênê 15ê Teşrîna Peyêne ya 2026î û 30ê Kanûna 2026î de bierşawê. Netîceyê musabeqa û merasîmê dayîşê xelatan do 21ê Adara 2027î de, Roja Newroza 2027î de bêrê eşkerakerdene.

Şertê beşdarbîyayîşî

Kesê ke wazenê beşdarê musabeqa bibê, ganî nê şertan bîyarê ca:

27 endamanê Grûba Xebate ya Vateyî ra seba mergê Cemal Pîranijî mesajê serweşîye
27 endamanê Grûba Xebate ya Vateyî ra seba mergê Cemal Pîranijî mesajê serweşîye
İçeriği Görüntüle

· Ziwanê musabeqa Kurdkî yo (bi zaravayanê Kirmanckî/Zazakî û Kurmanckî).

· Her kes eşkeno tena bi yew hîkayeya xo beşdarê musabeqa bibo.

· Qet yew sînorê muhtewaya hîkayeyan çin o.

· Hîkayeya ke yena erşawitene ganî verê cû cayêk de nêweşanîyayîye bo.

· Beşdarî eşkenê bi nameyê xo yê mexlasî zî beşdarê musabeqa bibê.

· Ganî hîkaye komputerî ser o, tewr kêmî bi 12 pûntoyan, goreyê rastnuştişê Kurdkî û formatê Wordî de bêra amadekerdene û erşawitene.

· Muracatî tena e-maîlî ser o yenê qebulkerdene: [email protected]

Xelatê musabeqa

Berhemê ke hetê heyetê weçînayîşî ra bêrê weçînitene, bi nê awayî do bêrê xelatkerdene:

· Hîkayeya Yewine: 35.000 TL û çapkerdişê kitabê nuştoxî/nuştoxe (100 hebî)

· Hîkayeya Didiyine: 25.000 TL

· Hîkayeya Hîrêyine: 15.000 TL

Heyetê weçînayîşî

Semedê her di zaravayan di heyetê cîyayî ameyê ronayene:

· Heyetê Weçînayîşî yê Zazakî: Bedrîye Topaç, Deniz Gündüz û Seyîdxan Kurij

· Heyetê Weçînayîşî yê Kurmanckî: Mehmet Öncü, Mem Med, Ferzan Şêr û Mazhar Kara

Kaynak: Zazakî News