Huseyîn KARAKAŞ

Tornê Babay û alvozê (enbazê) ey, nayê ra 89 serrî ravêr ewro (16/11/1937) eşt ra darê. Era dar eştişê Tornê Babay bi alvozanê ey, tarixê Kurdan di, cîhetê rayberîya klasîke ra, şemuga peyena.Tepîyay xo merhalêya modernan o.

Fîkrê mi, merhalêya rayberanê modernan di, qomê Kurd rê, bextêwarîyê nêkotê. Çikê, rayberê Kurdan ê modern, dişmenanê Kurdan di kar girewtene de, ê klasîka henî de têşan verdanê.

Metod, îdeolojî û kar kerdişê înan qayilbîm nêbîm; rayberanê klasîkan bîlakîs seserra 20 ênê de, gilê layê dişmên di canê xo dayo no, manêyo di manevî ano mucadeleyê qomî. Cokana namey xo tim vîr û ziwanê qomî dero

Ma nê peyen!..

Yê nînan bêmanêyîne ra sewbîna mucadeleyê xo çiko, çito namê beno? Nixiziyê, nirlaxiyê û musabaqaya egoyan, vajîm hirendero. No bîlhasa, girêgirso ki da çewres serrîya "Na dînya di eki ez esto Kurd estê."vano û egoy xo cayê de ca nêbeno, namê kerdişê êy ri nişan o.

Hayê ki zanenê zafê! Mêrik nayê ra 30 serrî raver vejîyay bi ekran zirçênê. "Mi têdbîrê xo girewtê. Sey Şix Saîd û Seyîd Rizayî la nêerzene ra gula mi".

O, fek di nî qeseyeki ekran di zirça, biaqilê de Kurdî nêvejîya cira nêva "ne bira çikê nî tedbîrê to? Ma alvozê yewbînîm. Xêyre xo ma de zî barê ki û ma zî layê zorbaz ra xo biseveknîm".

Zeman çerexîya. Vejîya mîyan ki, tedbîrê girêgirsî, dilqê dijîtal di, Bedîrxanîya di modern a! Mîrê mîran Bedîrxan, naye ra di seyserrê ravêr, xanêdayîna Kurd rê kot ra rayîr û memurîya dişmen de rest mirod. Di seserrî tepîya, para Kurdan tarixî tekerur der...

Zazakî de dublaj û açarnayîş
Zazakî de dublaj û açarnayîş
İçeriği Görüntüle

Zîbayişê Ehmedê Xanî goşanê midero!

Se vatîbê: Eger bibînê yew qiralê ma, nîya nêbînê bextê ma..."

Ma acêrîm Tornê Babayî! Êy binê layê goniwer di nî qesey vatîbê: “Mi zurikêrîy û rîsîyayîna to di baş nêkerd, no mirê derd o. La ez to verdi nîna çokan, no zî torê derd bo.”Kurdê modern çi borzilê di benê bibê, ez vatêyanê Tornê Babaydera. Royê ey û alvozanê ey roştîye de bo…