Çewlîg de 2 mangayî mabênê dîrek û dêsî de mendî
Çewlîg de 2 mangayî mabênê dîrek û dêsî de mendî
İçeriği Görüntüle

Çarçewaya Kombîyayîşanê Avesta Cultureyî de, seba ronayox û Sereke Pêroyî yo verên ê Partîya Demokrat a Kurdistanê Tirkîya (PDK-T) Faîk Bucakî qezaya Sûrî ya merkezê Dîyarbekirî de programê yadkerdişî do bêro viraştene.

Aktîvîte, meşte saete 15.00 de bînaya Avesta Cultureyî ya ke Taxa Hasirliyî ya qezaya Sûrî de ya de do bêro organîzekerdene.

Programê yadkerdişî de lajê Faîk Bucakî avûkat Serhat Bucak sey qiseykerdox ca gêno, moderatorîya roniştişî zî avûkat Mehmet Emîn Aktar do bikero.

Qiseykerdiş û roja îmzaye

Goreyê agahîyanê ke Weşanxaneyê Avestayî pare kerdê, aktîvîte di beşan ra do bêro pê: qiseykerdiş û roja îmza.

Avûkat Serhat Bucak, cuya babîyê xo Faîk Bucakî, têkoşîn û mîrasê ey ê sîyasî ser o do qisey bikero; dima zî kitabê xo yo ke derheqê babîyê xo de nuşto seba wendoxanê xo do îmza bikero.

Program, Merkezê Avesta Cultureyî yo ke Taxa Hasirliyî Kuçeyê Bardakçiyî yê qezaya Sûrî de yo de heskerdayoxanê kitaban dir do bêro têhet.