Amedspor, roja şeme 21ê teşrîna peyêne, ewro Çaykur Rîzesporî keno meyman. Maço ke Stadyûmê Dîyarbekirî de saete 16.00 de dest pêbikero, ekrananê beIN SPORTS 2yî ra bi weşano ganî do bêro weşanayîş. Hekemê maçî Umît Ozturkî o.

Amedspor, panc puanî peyê lîder Galatasarayî û di puanî zî peyê Trabzonsporî de yo û rêza diyîne de ca gêno. Temsîlkarê Amedî nê sezonî şeş maçê xo yê lîgî yê zereyî pêro qezenc kerdî. Çaykur Rîzesporî zî 14 puananê xo ra 11î deplasman ra arê dayî. Amedspor maçê xo yo peyênî de vera Galatasarayî 4-3 vîndî kerd, Rîzesporî zî Erzurumspor FK 2-1 mexlûb kerd.

11ê muhtemelî

Amedspor: Alban Lafont, Alî Turap Bulbul, Mehmet Yeşîl, David Bates, Umut Meraş, Rayan Raveloson, Furkan Soyalp, Yira Sor, Dia Saba, Rayan Lutin, Gift Orban.

Çaykur Rîzespor: Zafer Gorgen, Mithat Pala, Attila Mocsi, Siaka Bakayoko, Zakaria Ariss, Moussa Diakite, Adedire Mebude, Ibrahim Olawoyin, Qazim Laçi, Ahmed Kutucu, Ali Sowe.

Amedspor de hîrê kaykerî kadro de çin ê

Goreyê çapemenîya herêmkîye, tedawîya Lumbardh Dellova û Ermal Krasniqiyî yê ke mabênê mîllîye de seqet bîbî dewam kena. Ame vatiş ke Samuel Ballet zî seba cezaya menkerdişî nêeşkeno forma bido xora. PFDKyî waştişê newe ra mehkemekerdişî yo derheqê qerarê dîsîplînî yê verênî yê Balletî de red kerd.

Amedspor ewro seba lîderîye vejîyeno warî: Reqîb Galatasaray o
Amedspor ewro seba lîderîye vejîyeno warî: Reqîb Galatasaray o
İçeriği Görüntüle

Amedspor, keyeyê xo de 614 rojî yo mexlûb nêbeno.

Amedspor, bi performansê xo yo serkewte yo ke Amed de verê terefdaranê xo de mojneno, reqîbanê xo rê rayîr nêdano. Taximo kesk û sûr yo ke mexlûbîyetê xo yo peyên ê zereyî 16ê adara 2025î de vera Erzurumsporî bi skorê 2-1 girewtbî, mudetê ke dima nê maçi vîyarto de tu maçê lîgî yo ke keyeyê xo de kay kerdo de mexlûb nêbîyo.

Kaynak: Zazakî News