Hewteyê 7. ê Lîgê Superî yê Trendyolî de Amedspor, Stadyumê Eryamanî yê Anqara de Gençlerbirliğiî ame têver û 2-2 mend. Temsîlkarê Amedî ke maç de di reyî kewt vernî, bi gola ke daqîqayanê peynîye de kelaya xo de dî, bi puanêk sahe ra agêra.
Amedsporo ke bi 13 puanan sey lîder kewtbi mabênê maçanê millîyan, badê bin ê puanê xo, puanê xo resna 14.
Dia Saba bi penaltî dest ci kerd
Mîyanê nêmê verên ê têkoşînî de Amedspor daqîqaya 25. de penaltî qezenc kerd. Dia Saba yo ke kewt serê topî, penaltî kerd gol û ekîbê kesk û sûre 1-0 eşt vernî.
Badê ke daqîqayanê bînan ê nêmê verênî de gola bîne nêbî, Amedspor bi 1-0 şi dewre qedîna.
Nêmê dîyinî de Gençlerbirliği daqîqaya 54. de bi gola Rafael Luísî skor kerd 1-1.
Samuel Balletî Amedspor newe ra eşt vernî
Badê gola pîyayîye Amedsporî zextê xo zêdena û daqîqaya 68. de newe ra kewt vernî. Samuel Balletî taxîmê xo 2-1 eşt vernî.
La Thalisson Kelvenî gola ke daqîqaya 90+3. de eşte, skor kerd 2-2.
