Têgêrayîşê Cinîyanê Azadan (TJA) destpêkê çalakî û falîyetanê 25ê Teşrîna Peyêne qezaya Sêwregi ya Rihayî de da. Cinî Parka Kanlikuyu ya Cadeyê Hurriyet de ameyî têhet û bi sloganan, tîlîlîyan û çepikan heta Parka Lezgo rayîr şîyî.
Hemşaredara Şaredarîya Şaristanê Girdî Serra Bucak, Verfeka Partîya Seypêyîya Şaran û Demokrasî (DEM Partî) Ayşegul Dogan, Hemsereka Şaristanî ya DEM Partî ya Amedî Fatime Uzul Levent, hemşaredarê qezayan, temsîlkarê rêxistinanê cinîyan û parlamenteranê DEM Partî rayîrşîyayîşî de ca girewt.
Cinîyê ke bi şîdet ganê xo ra bîyî, ameyî yadkerdiş
Eşkerayîya çapemenîye de ke badê rayîrşîyayîşî ameye dayîş, wayê Mirabalî ra ke 25ê teşrîna peyêne 1960 de Komara Domînîkî de wexto ke vera dîktatorîye xover dayêne ameyî kiştiş, heta ewro heme cinîyê ke bi şî
'Ma do piştîpêdayîşê cinîyan pîl bikerê'
Eşkerayîye de venga cinîyan ame dayîş ke rêxistin bibê û piştî bidê pê: “Na 25ê Teşrîna Peyêne de zî ma do keye bi keye, kuçe bi kuçe vera sîstemê serdestîya camêrdan û şîdetê camêrdan rêxistin bîyayîşî dewam bikerê. Ma do piştîpêdayîşê cinîyan pîl bikerê û bi hêz û îradeyê xo seba awankerdişê komelêkê bêşîdetî bixebitîyê. Vengdayîşê ma heme cinîyan rê yo; bêrê ma pîya rêxistin bibê, aştîyêka menda û cuyêka azad û seypê pîya rêxistin bikerê.”
