Rêxistina Heqanê Merdiman a Hengawî raporê xo yê menga teşrîna verêne weşana. Hengawî dîyar kerd ke menga teşrîna verêne de Îranî de pêro pîya 85 kesî ameyî îdamkerdiş. Goreyê raporî, 2 tepişteyanê kurdan rê cezaya îdamî amey birnayîş; 21 kesan rê zî bi temamî 67 serrî û 15 rojî cezaya hepisxaneyî û 10 serrî zî cezaya muebetî amey dayîş. Reyna yew kesî rê cezaya 31 qamçîyan zî amey birnayîş.
Serra 2025î de tewr kêm 48 cinîyî ameyî daliqnayîş
Rêxistina Heqanê Merdiman a Îranî (IHR) û platforma "Vera Cezayanê Mergî Ma Pîya Yê" raporêko hempar amade kerdbî. Goreyê naye, goreyê sera verêne ya 2025î sewîyeya îdamkerdişan se ra 68 zêde bîya û resaya hezar û 639 kesan. No reqem mojneno ke rojane tewr kêm 4 kesî ameyî îdamkerdiş
