Goreyê bîlançoya Wezaretê Edaletî yê Fransa, kesê ke ameyî girewtiş ra derheqê 2 hezar û 376 kesan de karûbarê qanûnî dest pêkerd. Nê kesan ra 1.923 kesî hema qij ê, 453 kesî zî pîl ê. Hûmara kesê ke sewqê edlîyeyî bîy resa 1.547 kesan ke 1.239ê nînan gede û ciwan ê. Pêro pîya 21 kesî ameyî tewqîfkerdiş û şawîyay hepisxane.
Vengdayîşê protesyoyanê neweyan
Goreyê Wezaretê Perwerdeyî, roja îne 3 hezar û 700 lîseyan ra 141 lîseyî padaye mendî.
Zanîngehan de zî protestoyî dewam kerdî. Paytext Parîs de polîsan bloko ke verê Zanîngehê Assasî de bi wedarna; verê École des Minesî de zî wendekarî ameyî têhet. Sendîkayanê karkeran û wendekaran seba roja sêşemeyî vengdayîşê grev û çalakîyanê neweyan kerd.
