Edebîyatê zazakî bi çarnayîş û tadayîşê berhemanê klasîkan roje bi roje hîna zengîn beno. Hîkayeyê ke hetê nuştox Ehmed Sayî ra serranê 1960î de çarçeweya cografya û derûdormeyê Çewlîgî de ameybî nuştene û a dewrê kovaranê cîyayan de weşanîyabî, badê cû serra 1980î de sey yew kitab bi nameyê "Güneşin Savrulduğu Yerden: Bingöl Hikayeleri" ameybî çapkerdiş.
Nê eserê qedirberzî hetê nuştox û kedkarê ziwanî Seyîdxan Kurijî ra bi fekê Çewlîgî ameyî çarnayîş. Kitabo ke bi nameyê "Ca Yo Ke Tîj Ti Ra Bena Vila" hetê Weşanxaneyê Evrenselî ra ame çapkerdene, 128 rîpelan ra yeno pê û zerreyê xo de new hîkayeyan hewêneno.
Temaya bingeyêne ya nê hîkayeyan, cuya rojane, xozayî û sade ya miletê mintiqaya Çewlîgî ya. Ehmed Sayî mîyanê rîpelanê nê hîkayeyan de xizanî û feqîrîya dewe, kêmanîya perwerdeyî, xisûsîyet û xuyê komelkî yê xelkê herême bi hunerêko berz gêno dest. Nuştox kîşta nê qeydan de şert û mercê tebîetê Çewlîgî yo asê, serdestîya koyan û jîyana çetine bi hostatîyêka hîra teswîr keno û resneno verê wendoxan.
Destpêkê kitabî de wîna vajîyeno
Ahmet Say binî halî merdimatî de rexneyî cemaatkî zaf hol dano. Nayê serkote vatisî ey de, hedîseyanî ke o neqil keno, goreyî nê hedîseyan yew hawayî sayî esto. Hîkayeya no nustoxî ke bi nameyî “Rayerî Aversîyayisî” yew di asm cuwa ver yew kovar de çap bibîy, bi rastî zaf wes bîy. Ez tehmîn kena Bayo Çehov zî biwendênî, verba no qeyde yew eser de heyfî xo ardênî. Lew nayênî mîyanî çimanî nustox a. Vateyî mi noyo ke Ahmet Say o qeyde yew nustoxo ke ganî bîyero teqîp kerdis. O bi yew çend hîkayeyanî xo ya kuweno mîyanî hîkayenustoxanî welatî ma yê tewr holan. Semedê yew nustoxa no muhîm o. Senî ke yew qumas metreyî xo yo verên ra bellî yo, hunermend zî o qeyde yo. Eger yew hunermend eseranî xo yê verênan de no îsaret nêdayo, ez bawer nikena ke o badê zaf xo aver bero. Ahmet Hasîm wexto ke hîna sîîra xo ya verên de kistey golî û dadî xo ra behs kerdênî, Ahmet Hasîm bi. Nayê ma eskenî semedî heme hunermendan vaji. Roportajan û hîkayeyanî verênan yê Yasar Kemalî bifikirêni, sîîranî verênan yê Nazim Hîkmetî, sîîranî Yahya Kemalî bifikirêni. Winayo no. Ahmet Say zî pîl o. Ahmet Say sey noktayê destcikerdis nika ra îsaretan û meyîlanî yew rayerî hunerî ke ma wazenî zaf derg birumo, dano.”
