Tewqîfkerdişê sîyasetmedaranê ke Hemserekê Pêroyî yê verênî yê Partîya Demokratîke ya Şaran (HDP) Selahattîn Demîrtaş û Fîgen Yuksekdage yê se ra 10 serrî vîyartî.
Partîya Têduştîye û Demokrasî ya Şaran (Partîya DEMî), seba serrgêra tewqîfkerdişan ewro verê Zîndanê Edîrne û Zîndanê Kandira de do eşkerayîyan bido.
Eşkerayîyê ke yeno plankerdene mabênê saetanê 13.00 û 14.00î de bêrê dayene rê hemserekê pêroyî yê Partîya DEMî do tewr bibê.
Hatîmogullari do Edîrne de, Bakirhan do Kandira de qisey bikero
Hemsereka Pêroyî ya Partîya DEMî Tulay Hatîmogullari, verê Zîndanê Edîrne yo ke Selahattîn Demîrtaş tede yo de do eşkerayîye bido.
Hemsereko Pêroyî yo bîn ê partîye Tuncer Bakirhan zî do verê Zîndanê Kandira ke Fîgen Yuksekdage tede yena tepiştene de qisey bikero.
Eşkerayîyî, çarçewaya serrgêra 10. ya tewqîfkerdişê her di sîyasetmedaran de do bêrê kerdene.
4ê teşrîna peyêna 2016î de çi bibi?
4ê teşrîna peyêna 2016î de operasyonanê ke vera parlamenteranê HDPyijan ameyî viraştene de, Hemserekê Pêroyî yê HDPyî yê ê dewrî Selahattîn Demîrtaş û Fîgen Yuksekdage zî mîyanê înan de, zaf sîyasetmedarî ameybî dest bendkerdene.
Demîrtaş û Yuksekdage, mehkemeyanê ke vejîyayî verê înan ra ameyî tewqîfkerdene û şawîyayî zîndan.
Demîrtaş, Zîndanê Edîrne de; Yuksekdage zî Zîndanê Kandira de yena tepiştene.
Mehkemeya Heqanê Merdiman a Ewropa (MHME / AÎHM), qeraranê xo yê derheqê tewqîfbîyayîşê Demîrtaşî de binpêkerdişê heqan tesbît kerdbi û qerar dabî ke ganî o bêro veradayene.
Partîya DEMî, serra 10. ya tewqîfkerdişan de qerar da ke verê zîndananê ke her di sîyasetmedarî tede yê de eşkerayîye bido.
