Sersavcîtîya Komare ya Adana derheqê karûbarê îhale û temînkerdişî yê Şaredarîya Çukurova de tehqîqat da dest pêkerdiş. Ame îdîakerdiş ke şirketo anonîm ê girêdayeyê şaredarîye ser ra qanûnê îhaleyî bi hawayêko bêqayde ameyo şixulnayîş, rûşwet ameyo girewtiş û tayê xebatkaran meaşo zêde girewto.
Nameyê ke ameyî girewtiş
Operasyon de Serekê Şaredarîya Çukurova Emrah Kozay, Serekê verên ê Şaredarîye Soner Çetin û 4 hetkarê serekê şaredarîye zî tede pêro pîya 44 kesî ameyî girewtiş. Gumanbaran mîyan de esnafî, mutedahîtî, merdimê serekê şaredarîye û karkerî ca gênê. Ame vatiş ke operasyon de serekê teşrîfatî sey Serek Emrah Kozay û îdarekara kome zî sey xalîka (xaltîka) ey Sıdıka Ş. yena ramitene.
