Serekîya Daîreya Park û Baxçeyan, bi amancê xebatanê miqateyî yê hîna bilez, biemnîyet û berhemdaran ê waranê keskan ê 4,5 mîlyon metrekare yê seranserê bajarî, fîloya xo ya wesayîtan de 4 robotê çînayîşê vaşî yê bi motorê hîbrîdî yê neslê neweyî îlawe kerdî.
Robotê ke pê sîstemanê xo yê bi kumandaya dûrî waran ra ke makîneyê karî nêeşkenê biresê, wezîfe gênê, xebatanê miqateyî lez kenê, barê karî yê personelan kêmî kenê û îmkanê xebatêka hîna biemnîyete pêşkêş kenê. Robotê ke pê sîstemê kumandaya dûrî ra teqrîben 200 metre mesafe ra yenê kontrolkerdene; waranê seracêran, kişta rayîran û waranê ke makîneyê karî nêeşkenê biresê, tede wezîfe gênê.