Amedspor hetêk ra amadekarîya serdemo newe yê Super Lîgî keno, hetêk ra zî transferan keno û xo seba maçêkê dostîye amade keno.
Amedspor û Duhokspor do 30ê temmuze de, maçêkê dostîye de bêrî vernîya yewbînan.
Duhokspor û Amedspor amadekarîyanê xo yê serdemo newe domnenê. Serekê Duhoksporî Abdullah Celalî, Serekê Amedsporî Nahît Eren û taximê Amedsporî zîyaret kerd. Zîyaret Tesîsanê Amedsporî yê Şehmûs Ozerî de ame kerdiş. Nê zîyaretî de serekê her di taximan formayî dîyarîyê yewbînan kerdî û fotografî girewtê. Goreyê planê her di taximan, Amedspor û Duhokspor do 30ê temmuze de maçêkm dostîye de bêrê têhet.
Kampê hamnanî yê taximan
Duhokspor do seba serdemo newe kampê xo şaristanê Isparta yê Tirkîya de bikero. Amedspor zî dima ke kampê Erziromî biqedêno, do şîro kampê diyîn û nê zî şaristanê Burdur yê Tirkîya de bikero.
Seba ke tarîxê kampî yê her di taximan nêzdîyê yewbînan ê, Duhokspor û Amedspor do 30ê temmuze de şaristanê Burdurî de maçêkê dostîye kay bikerê.
