Bernameyo ke perwerdeyanê ci 1ê temmuze de dest pêkerd, 8 hezar û 377 gedeyî beşdarê falîyetanê sporî û perwerdeyî yê bêpereyan benê. Bername, do heta 4ê êlule dewam bikero.
Çarçewaya Dibistananê Sporî yê Hamnanî de gedeyî; 15 branşanê cîya-cîyayan de, futbolê cinî û camêrdan, basketbol, voleybol, asnawe, atletîzm, tenîs, tenîsê masa, taekwondo, kişike, kayê şarî, hentbol, kodkerdişo robotîk, kayê aqil û zekayî û cimnastîkî de, perwerdeyo bêpere gênê.
Şaredarî, pê bernameyî amanc kena ke piştî bido ke gedeyî aşmanê hamnanî bi hawayêko biemnîyet, biweşî û berhemdar bivîyarnê û seba resnayîşê sporkaranê ameyoxî amadeyî bikero.
