Hedîse, Mahaleyê Peyasî de, yew qehwexane de qewmîya. Goreyê îdîayan mabênê di keyeyan de ke dişmenetî estbi, seba qiseykerdişî qerar da ke yew qehwexane de bêrê tehet. Keyeyê Çînarî ke şi qehwexane, keyeyo bîn pawit.
Nê wextî de pê telefonî keyeyê Çînarî gerîya û ci ra ame waştiş ke bivejîyê verê qehwexaneyî. Keyeyê Çînarî ke vecîya teber, hetê kesanê ke nasnameyê înan hema nêameyo tesbîtkerdiş ra pê fîşengan hêrîşê înan ame kerdiş. hêrîş de Sedat Çînar, birayê ey Mehmet Çînar û ênîşteyê ey A.Y. birîndar bîyî.
Bi xeberdayîşî ser o, ekîbê weşîyeû polîsî ameyî sewqkerdişê cayê hedîseyî. Kontrolo ke hetê ekîbanê weşîye ra ame kerdiş de, ame tesbîtkerdiş ke Sedat Çînar o ke giranî birîndar bibî, merdo.
Wazîyetê birîndarekî giran o
Mehmet Çînar û A.Y. yê ke birîndar bîbî, dima ke cayê hedîseyî de mudaxaleyê verên ame kerdiş, pê ambulansan wedarîyayî nêweşxane. Cenazeyê Sedat Çînarî seba kerdişê otopsî wedarîya morg û ame musayîş ke wazîyetê birîndaran ra A.Y.yî giran o.
Derheqê hedîseyî de zî cigêrayîşêko hîra ame destpêkerdiş.