ZAZAKÎ NEWS — Amedspor TFF 1. Lig de hesabê sampîyonîye keno û tena yew maçê ey mendo ke bibo şampiyon. Amedspor no hewte vera Bodrumî kay kerd û firsetêko pîl kerd vindî. Amed derheqê teknîk dîrektor Mesut Bakkalî deqerarê xo da.
Rayberîya Amedsporî ewro aşkere kerd ke înan teknîk dîrektor Mesut Bakkalî reyde yew kombiyayiş kerd û bi hawayêko pêameyîşî qerar da ke rayîrê xo cîya bikero.
Mesut Bakkal
Serra verêne Mesut Bakkalî Amedspor berdbî lîga 1.. Mesut Bakkal dewreyÊ diyinî de ame cayê Sinan Kalogluyî. Bakkal 11 maçan de Amedspor de mend, labelê 5 hefteyanê peyênan de netîceyê xirabî girewtî.
Askerayîya Amedsporî
Amedsporî va: "Ma bi teknîk dîrektorê xo Mesut Bakkal û ekîbê ey reyde rayîrê xo cîya kerd. Ma seba keda ey sipas kenî û karîyerê ey de serkewtiş wazenî."
Ame zanayîş ke taxim do maçê Igdirî de bi Sertaç Küçükbayraki dir bivejîyo seha.