Amedsporo ke qerarê kongreya îstîsnayî girewt, hûmara namzedanê serekîye her roje zêdîyena. Karsaza Amedije Zelal Taybetî, eşkera kerd ke a do kongreya 18ê Teşrîna Verêne de seba serekîye biba namzede.
Amedsporo ke ekîbanê Lîgê 1ine yê TFFyî yê bihêzan ra yew yo û qerarê kongre girewt. Badê Serekê Baroyî yê verênî Nahît Erenî û îdarekarê Amedsporî Alî Riza Yildirimî, karsazê Wanî Veysî Gençerî zî eşkera kerd ke o do kongreya 18ê Teşrîna Verêne de bibo namzed. Gençerî, ke vat o 700 mîlyon butçe hazir kerdo.
Karsaza Amedije Zelal Taybetî, eşkera kerd ke a do kongre de seba serekîye biba namzede. Taybetî, ke vata a do yew lîsteya ke cinîyan ra yena pê, amade bikera, îfade kerd ke aye nêzdîyê 300 mîlyonî yew butçe amade kerdo.
Taybetî, va, a vejîyayîşê zafêr namzedan hewl vînena, wina qisey kerd: “Heqê her kesî esto ke xo sey namzed bimojno. No zî mojneno ke Amedspor senî yew sazîya demokratî o. Serek ganî bi weçînayîşî bêro wezîfe ser, bi teyînkerdiş ney. Seba naye, ma wazenê ke yew weçînayîşêko zelal bibo.”