Amedsporî seba herêma rast Ali Turap Bülbül transfer kerd. Klubî hesabanê xo yê resmîyan de da pêhesnayîş ke no futbolbazo ciwan Galatasaray de resayo û tewrê taximê înan bîyo.
Goreyê beyanatê Amedsporî, Ali Turap Bülbülî reyde pîyameyîşêko 2 serre ame îmzakerdiş.
Karîyerê ey
Ali Turap Bülbülo ke 25ê Çeleyê 2005î de Düzce de ameyo dinya, Galatasaray de dest bi kaykerdişê futbolî kerd. Kaykero ke herêma rast de kay keno, şêno çepê pawitişî û perrê rastî de zî kay bikero.
Bülbülî, pîya bi Taximê Ayî yê Galatasarayî mîyanê Super Lîgî de hîrê maçan de kay kerd. Kaykero ciwan, di serranê peyênan de sey kîra Ümraniyesporî de kay kerd; Ümraniyespor de çewres û şeş maçan de kay kerd û yew gol eşt.
