Akademîya Voleybolî ya Cinîyan ya ke seba voleybolê cinîyan ê Amedsporî û seba feydebîyayîşê sporvananê xortan mîyanê branşê voleybolî de ameya ronayîş, dest bi xebatanê xo kerd.
Weçînayîşî dest pêkenê
Akademîya Voleybolî ya Cinîyan ya Amedsporî, seba ke sporvananê ameyoxî kifş bikero, mabênê kesê ke serranê 2011, 2012, 2013 û 2014î de ameyê dinya de weçînayîş do bikero. Mîyanê eşkerayîya ke hetê klubî ra ameya dayene de, ganî sporvanê ke wazenê beşdarê weçînayîşî bibê, pîya bi keyeyanê xo tarîx û saeta kifşkerde de amade bibê.
Programê weçînayîşî
Ganî sporvanê ke wazenê beşdarê weçînayîşî bİbê; kesê ke serra 2011î de ameyê dinya roja îne 2ê teşrîna verêne saete 18.00 de, kesê ke serranê 2012 û 2013î de ameyê dinya roja şeme 3ê teşrîna verêne saete 18.00 de û kesê ke serra 2014î de ameyê dinya zî roja yewşeme 4ê teşrîna verêne saete 18.00 de mîyanê Salona Sporî ya Girewte ya Tesisanê Şehmus Özerî de amade bibê.
