ZAZAKÎ NEWS – Mîyanê nê pêro berheman de, berhemo ke tewr zaf bale ant, bêguman modelê neweyî yê iPhone 17î bîyî.
Ekran û taybetmendîyê teknîkî
iPhone 17 o newe, goreyê modelê verênî yo ke wayîrê ekranê 6,1 înçî bi, bi yew ekranêko OLED o 6,3 înç yeno. Appleyî no ekran bi hûmara newekerdişî ya adapteyî ya 120Hz ProMotionî viraşto ke reya verêne ya ke na taybetmendîye seba yew modelêko standard ê iPhoneî yena bikarardene. Bi nê hawayî, armanc no yo ke yew tecrubeyêko hîna weş û lez û yew kayêko hewlêr bêro pêşkêşkerdene.
Roşnayîya ekranî resena 3,000 nîtî ke no tarîxê iPhoneyî de sewîyeya tewr berze ya. Wexto ke taybetmendîya Always-On Displayî (Ekranê Her Tim Akerdeyî) girewte ya, hûmara newekerdişî ya ekranî hetanî 1Hzî yeno war û bi nê hawayî pîlan ra teseruf yeno kerdene.
iPhone 17 hêzê xo çîpê A19î ra gêno û goreyê neslê verênî yê A18î, do %20 performansêko hîna lez biramno. No çîpo ke wayîrê 6 dendikanê CPU û 5 dendikanê GPUyî yo, do hetê teserufê enerjî ra zî hîna baş bo.
Fîyatê iPhone 17î
Modelê iPhone 17î, bi warê depokerdişî yo ke tewr kêm 256 GB yo yeno û bi 799 dolaranê Amerîka yeno rotiş.
iPhone 17o newe sey yew modelo ke Appleî warê dîzaynî de zaf rîsk nêgirewto la warê kamera de gameka pîle eşta, vejîyeno ver.