Goreyê raporê Platforma Ma do Kiştişê Cinîyan Vindarnenî aşma vîyarte de 16 cinî amey kiştene û 23 cinî zî merde amey dîyayene.
Platforma Ma do Kiştişê Cinîyan Vindarnenî rapora xo ya Sibata 2025î eşkera kerde.
Goreyê raporî, aşma sibate de Tirkîya û Bakurê Kurdistanî de 16 cinî hetê camêrdan ra amey kiştene.Heto bîn ra 23 cinî bi hawayêko şikdar merde amey dîyayene.
Goreyê Platforma Ma do Kiştişê Cinîyan Vindarnenî:
3 cinî seba ke înan waşto ke derheqê cuya xo de qerar bidî û mêrdeyanê xo ra cîya bibî, amey kiştene.
Cinîyêka bîne zî bi bahaneya ke waştîyê xo dir qisey kerdo, ameya kiştene.
Sebebê kiştişê 12 cinîyanê bînan nêameyo eşekerakerdiş.
4 hetê mêrdeyanê xo ra, 4 hetê mêrdeyanê xo yê verênan ra, 3 hetê lajê xo ra, 2 hetê embazê xo yê verênan ra, 2 cinîyê hetê embazê xo ra, 1 cinî hetê pîyê xo ra û cinîyêk zî hetê merdimê xo ra ameya kiştene.
