ZAZAKÎ NEWS - Şaredarîya Peyasî yê Amedî, bi nameyê "Festîvala Kulturî û Têhetmeyîşê Emegê Cinîyan a 2ine" yew çalakîye organîze kena. Festîvale de, roja 3ine hunermenda muzîkê Zazakî ya heskerdî Beser Şahîn zî konserêk do bida.
Şaredarîya Peyasî ya Merkezê Amedî bi sloganê “Bi Emeg û Kulturê Xo Ma Paştîdayîşî Kenê Pîl” Festîvala Kulturî û Têhetmeyîşê Emegê Cinîyan ê Peyasî ya 2ine organîze kena.
Çalakîye ke bi rayberîya Midurîya Polîtîkayanê Cinîyan a Şaredarîya Peyasî yena kerdene, 3-4-5ê Teşrîna Verêne de Park Orman de do bêro viraştene. Festîvale ke tede cinîyî do berhemanê xo yê emegê destî bimojnê û biroşê de kultur, huner û viraştiş do bêrê têhet. Çalakîya ke do çar rojî dewam bikero de, cinîyî do bi berhemanê xo, vejîyê vera meymanan.
Roja 3ine ya festîvale de, yew nameya muzîkê Zazakî ya heskerdî Beser Şahîn do konserêk bida.