ZAZAKÎ NEWS – Goreyo ke ame aşkerekerdiş, Konferansê Ziwanê Kurdkî peynîya nê hewteyî rojanê 27-28ê Hezîrane de, merkezê kulturî yê ÇandAmedî de Salona Pîle de yeno viraştiş. Xebata na konferansî her roj saete 10:00 de dest pêkena û heta saete 17:00 dewam kena.
Şiarê Konferansî: Çarçiweyêka Newîye
Komele ziwanî no konferans bi şiarê "Statuyî ra heta perwerdeyî seba muzakereyî çarçiweyêka newîye" virazena. Hetê komîteya amadekarîye ra ame vatiş ke: "Ma do Konferansê Ziwanê Kurdkî bivîrazê. Bi tewrbîyayîşê şima ma do kêfweş bibê."
Medyaya sosyale û komela ziwanî zî da zanayîş ke her keso ke wazeno konferans de ca bigîro, şêno pê adresê elektronîkî ya [email protected] înan reyde têkilîyye rono.
