Bajarê Dîlokî de, yew kesî badê munaqaşeyêk birayê xo yo pîl bi kardî kişt. Gumanbar hetê polîsan ra ame tepiştene.
Goreyê agahîyan, hedîse Taxa Golluce ya Dîlokî de qewimîya.
Mabênê Yaşar T. yê 40 serrî û kekê ey Mehmet T. yo 45 serrî de seba sebebêko nêzanîyeno munaqaşe vejîya.
Badê zî munaqaşe bedilîya pêrodayîşê bi kardîyan, Yaşar T.yî birayê xo yo pîl Mehmet T. bi kardî birîndar kerd.
"Nexweşxane de wefat kerd"
Bi agahdarîkerdişê welatîyanê der û dorî ser o, polîs û taxîmê weşîye şîyî cayê hedîseyî.
Mehmet T., ke giran birîndar bibi, pa heme hewldanan nêame xelisnayene û merd.
Ame vatene ke gumanbar Yaşar T. hetê polîsan ra ameyo tepiştene.