Hemserekê Şubeyê Îzmîrî yê Komela Heqanê Merdiman (ÎHD) Awuqat Alî Aydin, wexto ke rayraşîyayîşê sereê sibayî kerdêne, rastê hêrişî ame û merd.
Hemserekê Şubeyê Îzmîrî yê ÎHDyî Alî Aydin (68), Îzmîr, qezaya Çîglî de netîceyê hêrişêkî de kişîya.
Ame musayîş ke Alî Aydin, wexto ke qezaya Çîglî de rayraşîyayîşê xo yê serê sibayî kerdêne, raştê hêrişî amo û merdo. Goreyê malumatan, cenazeya Aydinî rayîro ke o tede rayra şîyêne ser o amey vînayîş. Sebebê hêrişî heta nika nêameyo zanayîş.
Cenazeya Awuqat Aydinî seba otopsî wedarîya Sazgehê Tibê Edlî yê Îzmîrî. Dozgerîye derheqê hedîseyî de tehqîqat da dest pêkerdiş.
Mudurîya Emnîyetî ya Îzmîrî derheqê hedîseyî de eşkerayîye da û va ke faîl M.D.E.yo 28 serre yo û ameyo tepiştiş.
Kaynak: Zazakî News
