ZAZAKÎ NEWS - Çewlîg de Fatma Baylaza ke seba erînayîşê çî-mîyan şîyêne marketêk, cemed û vewra ke banî ra kewt, gina aye ro û cinîmerd.
Hedîse, Mehleya Înonu, Cadeyê Parkî de ame meydan. Wexto ke Fatma Baylaza (55) waştêne bikewo zereyê marketêkî, vewra ke kom bibî banî ra kewt aye ser o.
Îxbar ser o, ekîbê Weşîya Lezgîne ya 112î ameyî cayê hedîseyî.
Baylaza ke sereyê xo ra birîndar bîbî, wedarîya Nêweşxaneyê Dewlete yê Çewlîgî.
Baylaze, mudaxeleyê ke tîya ameyî kerdene de nêamey xelesnayîş û merd.
Ekîbanê polîsan cayê hedîseyî de dest bi cigêrayîşî kerd.
Hetê bînî ra, Cadeyê Haydar Baylazî yê Mehleya Yenîşehîrî de zî vewra ke banêko di qatî ser o kom bîbî, kewt otomobîlêko parkkerde ser o