Rayîrê Çewlîg û Solxanî ser o qezayêka trafîkî qewimîya.
Hedîse, kîlometreya 10. ya rayîrê Çewlîg-Solxanî de, mewqîyê "Kardeşler"î de ame meydan. Goreyê melumatî, şofêrê wesayîtê tîcarî yê bi plakaya 50 BG 379, hakimîyetê dîreksîyonî vîndî kerd. Wesayît rayîr ra vejîya û da dîregê elektrîkî yo ke kenarê rayîrî de bi ro.
Weşîya înan baş a
Qeza de 2 kesî bi hawayêko sivik birîndar bîy. Dima ke şahadan xeber da, ekîbê weşîye û polîsî şîy cayê hedîseyî.
Birîndarî bi ambûlansan amey berdene bi Nêweşxaneyê Dewlete yê Çewlîgî. Ame zanayîş ke weşîya birîndaran baş a. Polîsan cayê qeza de cigêrayîş kerd.
