Hetkarê Serekê Pêroyî yê CHPyî Namik Tanî, Zîndanê Edîrne de Hemserekê verênî yê HDPyî Selahattîn Demîrtaşî zîyaret kerd û vat ke ganî Demîrtaş û heme sîyasetmedarê tepişteyî bêrê veradayene.
Badê pêvînayîşê ke teqrîben saetêk dewam kerd, Tanî eşkerayîyêk da û da zanayene ke moralê Demîrtaşî sey her wextî hol bi û înan derheqê averşîyayîşanê sîyasîyan ê peyênan de fîkrê xo pare kerdê.
Tanî îfade kerd ke Demîrtaş tepişteyêko sîyasî yo û wina vat: "Ma do sey partî heta peynî dewayanê sîyasîyan teqîb bikerê û ma do Komara Tirkîya birasnê demokrasî, edalet û azadîya fikir û ramanî."