Wekîlê Serekê Grûba CHPyî û Parlamenterê Anqara Murat Emirî, derheqê îdîayanê ke vanê Komîsyonê Yewitîya Neteweyî, Birayîye û Demokrasîye yo ke TBMM de xebatanê xo rayra beno, do şêro Îmralî, eşkerayîyêk da û vat, “Rojdemê komîsyonî de şîyayîşê Îmralî çin o. Hîç yew kombîyayîş de zî nêame qiseykerdene”.
Wekîlê Serekê Grûba CHPyî û Parlamenterê Anqara Murat Emirî da zanayene ke zîyaretê Îmralî nêameyo rojdemê Komîsyonî û wîna va:
“Derheqê şîyayîşê Îmralî yê Komîsyonî de malumatê ma çîn a. Ne kombîyayîşanê ma yê verênan ê komîsyonî de, ne zî kombîyayîşanê ke ma sey Wekîlanê Serekanê, hîç yewî de şîyayîşê Îmralî nêbi rojdem. Derheqê na mesela de, Serekê Meclîsî hewcedarî nêdîye ke fîkr bigîro. Rojdemê komîsyonî de şîyayîşê Îmralî çin o. Û yew munaqaşeyêko winasî nêbîyo..”