Tevgera Cinîyan ê Azadan (TJA) Amed ra hetanî Anqara bi sloganê “Ma bi hêvîye ver bi azadîye rayra şinê” dest pêkerd. Aktîvîstê TJAyî û bi seyan cinîyan, verî banê Partîya DEMî yê Amedî ra heta Vindergehê Çeşmeyî yo ke Semtê Gazîlerî de yo, rayra şîyî. Cinîyan kimcê bi rengê morî yê ke ser o “Ma bi hêvîye ver bi azadîye rayra şinê” nuşte bi, xora day û rayra şîyî.
Sabahat Tuncel qiseykerdişê xo de wina vat: “Serrêk vere cû, parlamentoyê Tirkîya de Serekê MHPyî veng da û vat wa Abdullah Ocalan bêro meclîs û qisey bikero. La hema zî no nêame ca. Hetanî ke Rayberê Şarê Kurdî Abdullah Ocalan nêro goşdarîkerdene, aştîye nêbena. Aştîye bi yew hetî nêbena. Azadîya Abdullah Ocalanî azadîya şarê Kurdî ya.”
Badê qiseykerdişê Tuncel, grûbêka qerebalix, cinîyanê rayraşîyayoxan reyde heta Ceylan Karavîl AVMî rayra şî û cinîyê rayraşîyayoxî bi tilîlîyan û eştişê sloganan hetê Anqara ser o ray kerdî. Cinîyî ewro do birasê Riha.