ZAZAKÎ NEWS — Hêrişê ke vera cayanê bimbarekan ê îtîqatê Elewîtiye, vera Elîf Ana ya Pazarcixê Maraşî û Dûzgûn Babayê Dersîmî ameybî kerdene, bîyî sebebê razînêbîyayîşê şarê Elewîyan.
Dersîm de bi vengdayîşê Meclîsê Pîran, Zîyaretgaha Dûzgûn Babayî de Cemê Yewbîyayîşî ame viraştiş. Cem hetê Kadir Bulutî o ke Ocaxê Kureyşan ra yo ame rayberdene. Kadir Bulutî erkanê cemî de va ke ê do her tîm wayîrê rayîrê xo vejîyê.
Dima ke loqmeyî ameyî parekerdene û çirayî ameyî tafînaye cem qedîya.
