Serekîya Daîreya Polîtîkayanê Cinîyan a Şaredarîya Dîyarbekirî, bi amancê ke piştî bido cinîyan bi hewayêko seypê waranê pêroyîyan ra îstîfade bikerê û waranê biemnîyetan de aktîvîteya fîzîkî bikerê, perwerdeyê asnawe yê bêpere newe ra dest pêkena.
Perwerdeyî, hewza asnawe de ke Warê Mesîre yê Parkê Cuya Sosyale (Fidanlık) yê qezaya Yenîşehîrî de yo, pisporan reyde do bêrê dayeene. Çarçewaya bernameyê perwerdeyî de ke hewteyêk de di rojî do bêro kerdene û bi pêroyî aşmêk do dewam bikero, heme hacetê ke do lazimê înan bibê, hetê Şaredarîya ma ra bêpere do bêrê temînkerdene.
