ZAZAKÎ NEWS - DÎSMEK ke çarçewaya Serekîya Daîreya Xizmetanê Komelkî de falîyetan rameno, bi beşanê miqateyê çermî û kuaforîye ke akerdî, piştî dano ke cinî azadîya xo ya ekonomîke peyda bikerê.
Perwerdeyê tatbîqî ke Merkezê Perwerdeyî yê Parka Goletlî de dewam kenê û hetê perwerdekaranê pisporan ra yenê dayene, bi pêroyî 48 cinî beşdarê ci bîyê.
Kursîyerê ke prosesê perwerdeyê giranî yê 60 rojan ra vîyarnenê; teknîkê şekildayîşê porî, rengkerdiş û miqateyê çermî yê pisporî musenê û firsend vînenê ke peynîya perwerdeyî de xo rê cayê karî akerê yan zî sektorî de bêrê îstîhdamkerdene.
Bi nê programî ke kontenjan seba perwerdeyêko bi qalîte tay ameyo sînordarkerdene, yeno amanckerdene ke cinî cuya komelkî û ekonomîke de bi hewayêko hîna xurt ca bigîrê.