ZAZAKÎ NEWS – "Komeleya cigêrayîş û averberdişê Kurdkî" (Mazêr) ya ke wextêko nêzdî de Çolîg de ameya akerdiş, semedê musnayîş û averberdişê ziwanî dest bi dayîşê dersan kerd. Komeleya ke bi slogana "Ziwanê xo bimusêne, Ziwanê xo de biwanê û binusê" de xebatanê xo keno, aşkere kerd ke ê semedê her kesî dersanê kirdkî (zazakî) bidê.
Goreyê afîşê ke terefê komele ra ameyo parekerdene, dersê kirdkî (zazakî) hewte de di rojî, yanî rojê Sêşeme û Çarşeme saete 19:00 de yenê dayîş.