Nuştoxanê Zazakî Newsî ra Bahrî Çabukî Unîversîteya Artukluyî ya Mêrdînî Enstîtuya Zıwananê Ganîyan yê Tırkîya şaxê Mayzanıstê Zıwan û Kulturê Kurdan ra mezun bi.
Bahri Çabuk bi nameyê “Vateyanê Verênan Yê Zazayan de Cigêrayişê Erjanê Etîkî’’ tezê xo amade kerdo. Tezê Bahri Çabukî hîrê beşan ra yeno pê û 281 rîpelî yo.
Çabukî tezê xo de mintiqaya Pasûrî ra vateyê verênî û etîkî ser o vindertno. Beşo yewin de folklor, edebîyatê şarî û vateyê verênan ser o ameyo vindertene. Beşo dîyin de felsefe, etîk, exlaq û erjan ser o yê bi awayêko hîra ameyê nuştiş û ameyê îzahkerdene. Beşo hîrêyin de etîkê erjan û vateyê verênî ameyê etudkerdene. 121 termê felsefe ra yew ferhengog ameyo awankerdiş û îlaweye tezî biyo.
