Celalî Çelîk
DEZAYÊ MI DEZAWO
Lê daye dezayê mi deza wo
Hewar paşto-pîzê m’ qerefîya wo
Deza m’ ez waşta ez nêdawa
Dayê dezayê m’ deza wo
Deza m’ mi va payîz bêro ti mi bere
Eger qeder çîn o ez se bikerî
Lê lê daye dezayê mi deza wo
Ax paşto-pîzê m’ qerefîya wo
Mi va mi hon dîyo hon şewan o
Deza ti meşo qewge mîyan o
Danê piro pê kardan … o
Tirmê dezay m’ armoneno
Mi dî wi vejîyo lewê bonê Lalano
Desto keno kemekano, ez fam nîken o se vano
Vano, hewar Silêmanê ti kişîyo
Lê lê daye dezayê mi deza wo
Paşto-pîzê m’ qerefîya wo
Deza m’ ez waşta ez nêdawa
Deza m’ payîz bêro ti mi bere
Eger qeder çîn o ez sebkerî
Ez qîra wa, ez bermawa
Sarê dezayê xo hewarnawo
Eger dezê m’ nifîryawo o kişîyawo
Dayê dezayê m’ deza wo
Ax paşto-pîzê m’ qerefîya wo
Namê bavê dezaye El Alano
El Alano heşgeman o
Roc nîme roc kuno hewnê mîyan şewan o
Nêzano dişmena kerdo fek deran o
Semed kiştişê Silêmano
Cêr ro êno Elo şaş o
Hanyo destê tek ataş o
Dayê dezayê m’ deza wo
Ax paşto-pîzê m’ qerefîya wo
Bavê dezê m’ şino Dara Hênî
Qereqolê cenderman o
Tirkî nîzon qalon vano
Ez fam nîken wi se vano
Vano, hewar Silêman mi kişîyo
XIMXIMÊ
Xim Ximê to rê vana
Del delê to rê vana
Ti k’ nêbe ez nêvana
Ti bi nêbe ez nêvana
Ti rinda to rê vana
Ti rinda to rê vana
Xim Xima Silêmanî
Del dela Silêmanî
Çîçega serê banî
Çîçega serê banî
Ca çîn o lewê panî
Ca çîn o lewê panî
Va vindo helê şanî
Va vindo helê şanî
Xim Ximê haşta-naşta
Del delê haşta-naşta
Ximê rinda şarî waşta
Dela rinda şarî waşta
MI BENÊ HA MI BENÊ
Daye daye mi benê, mi benê ha mi benê
Daye daye mi benê, mi benê ha mi benê
Mi benê pê se kenê, daye daye mi benê
Mi benê pê se kenê, daye daye mi benê
Mi benê çarşef kenê, daye daye mi benê
Mi benê çarşef kenê, daye daye mi benê
Daîrê daîrê çarnenê, daye daye mi benê
Daîrê daîrê çarnenê, daye daye mi benê
Ben çarnenê îmza kenê, daye daye mi benê
Çarnenê îmza kenê, bawo daye mi benê
Lac kutikî nêgêna, nêgêna ha nêgêna
Gorek wena mirena, lacê apê xo gêna
Daye daye mi benê, mi benê ha mi benê
Mi benê pê se kenê, daye daye mi benê
LEYRO LURÎ
Leyro lurî leyro lurî leyro lurî
Leyro lurî leyro lurî leyro lurî
To rê lawo ez bimirî
Leyro lawo mi va:
Çi çem o lawo, çem xuşeno
Ma û pîyê mi tede vaş çîneno
Ez biremî ma û pîyê rezîl beno
Ez nêremî canê mi damiş nêbeno
Leyro lurî leyro lurî leyro lurî
Leyro lurî leyro lurî leyro lurî
Wîy lawo to rê ez bimirî
Leyro lawo mi va:
Çi kend o lawo, kend rijîyawo
Mi axîne ante, qayîşê mîya mi visîyawo
Qederê Heqî bîyo ez zewejîyawo
Mi xort giroto kal vecîyowa
Leyro lurî leyro lurî leyro lurî
Leyro lurî leyro lurî leyro lurî
Lawo to rê ez bimirî
Leyro lawo mi va:
Va êno vayê Deşte Mûşî
Hewa êno hewê Deşte Mûşî
Ez şîya verê çemî xo rê kincan buşî
Mi dî jû cîranê ma cor de ame, va ke:
“Mîzgîna mi bide delalê zerê to na wo cor de êno zê çawuşî
Lawo mi va:
Ti î Şehîde Heser Babayî kena şo
Kursî bîyaro wa bêro kişta mi de ez xo rê mirdî ronşî
Leyro lurî leyro lurî leyro lurî
Leyro lurî leyro lurî leyro lurî
Lawo to rê ez bimirî
BEMO BEMO - 1
Bemo Bemo dilo Bemo
Bemo Bemo dilo Bemo
Dil Bemo Bemo dil Bemo
Bemo dilo Bemo
Cor de yeno çiftê xortan o
Bemo Bemo dilo Bemo
BEMO BEMO - 2
Bemo Bemo dilo Bemo
Bemo Bemo dilo Bemo
Dem dewranê çê Feran o
Bemo Bemo dilo Bemo
Amnano waxt waran o
Bemo Bemo dilo Bemo
Amnano waxt waran o
Dilo dem dewranê dengbêjan o
Şar bar ken şono waran o
Bemo Bemo dilo Bemo
Şar bar ken şono waran o
Dilo dem dewranê nî dengbêjan o
Xortî kênan remnenê
Bemo Bemo dilo Bemo
Dewe be dewe çarnenê
Dilo dem dewranê çê Feran o.
DE GIDÎ GIDÎ
De gidî gidî xana hecî
Ha gidî gidî xana hecî
Çimê to sîyayê mewijî
Çimê to sîyayê mewijî
Birîyê to qeytanê qicî
Birîyê to qeytanê qicî
To sond werdo nêzewecî
To sond werdo nêzewecî
To mil werdo şarê Licî
To mil werdo şarê Licî
Tikî bê layikê karerîcî
Bê lacekê karerîcî
DE KAM DE KAM DE
De xane kam de kam de kam de
Canê kam de kam de kam de
De xalo pîs hanyo dukan de
Xalo pîs hanyo dukan de
Solê sûrî hay ningan de
Solê sûrî hay ningan de
Qaytê min o nê xalî
Qaytê min o pîsê xalî
Reqa qice kerda vîst û howt hazarî
Reqa qice kerda vîst û howt hazarî
De xane kam de kam de kam de
Canê kam de kam de kam de
WEY DAYE DAYE
Hey daye daye wey daye daye
Hey daye daye derd giran o
Daye amnan o waxt waran o
Hey daye daye derd giran o
Kerîm kîşto ço nêzano
Hey daye daye derd giran o
Kerîm zamayê panc rocan o
Hey daye daye derd giran o
Aşîr mendê bê sermîyan o
Wey daye daye derd giran o
Hêga pîl ê ma filhan o
Wey daye daye derd giran o
Yow ha wo mîyan de aw dano
Wey daye daye derd giran o
Kutik bavê nî kênan o
Hey daye daye derd giran o
Kêna pîla ma nêdano
Hey daye daye derd giran o
Înşala kê de bimano
Hey daye daye derd giran o
EYŞE
Her Eyşe zê to nîya
Del pîse zê to nîya
Say sura Meletî ya
Say sura Meletî ya
Eşkice çirmik nîya
Eşkice çirmik nîya
Her Eyşe îna meke
Del pîse îna meke
Xortanê şar kerder meke
Xortanê şar kerder meke
Her Eyşe îna nîyo
Say sure îna nîyo
Bejna xortan barî yo
Bejna xortan barî yo
Qebra tenga-tarî ya
Qebra tenga-tarî ya
Bonê bakî Eyş bono berz o
Bonê bakî Eyş bono berz o
Teber ro nîşt sol derzo
Teber ro nîşt sol derzo
Eyş payko çirtikon berzo
Eyş payko çirtikon berzo
XEL XELO
Xane yema yema yema
Cane yema yema yema
Xane nîyo nîyo nîyo
Cane çîyo çîyo çîyo
Xane hoyî hoyî hoyî
Cane hoyî hoyî hoyî
Mişenî rişnê cêr de koyî
Palî rişnê cêr de koyî
Va şaneno pela soyî
Va şaneno pela soyî
M… rişnê cêr de koyî
Bilxur eşto serê banî
Sîsa seyda bîya kêvanî
Sîsa seyda bîya kêvanî
Bilxur kerdo keşika doyî
Bilxur kerdo keşika doyî
Xel Xelo Xelê melan o
Xel Xelo Xelê melan o
ERE NÎNA NÎNA - 1
Ere nîna nîna nîna nîna
Kêne ez mirena ti senên a
Ere hewr vecîyo hewro tarî
Kêne lufan dano zê marî
Ere Tekîn waştîyê min o lajê Kalî
Kêne waştîyê min o kilmo dergo barî
Şehîdê Heser Babayî, Goşkar Babayî
Şehîdê Qertalixî, Şehîde Qewaxî
Ocaxê çê Kolî miradê min û to bikero
Payîz bêro ez to bîyarî
Ere qeder çîn o ez sebkerî
Ere nîna nîna nîna nîna
Kêne ez mirena ti senên a
ERE NÎNA NÎNA - 2
Ere nîna nîna nîna nîna
Kêne ez mirena ti senên a
Ere hewr vecîyo hewro tarî
Kêne tofan dano zê marî
Ere ortê min û lacê şarî
Kenê qeder çîn o ez se kerî
Ere payîz bêro ez to bîyarî
Ere qeder çîn o ez se kerî
Ere nîna nîna nîna nîna
Kêne ez mirena ti senên a
Ere çi darêk a îta werişta
Ere xortan xo rê kêna tepişta
Ere nîna nîna nîna nîna
Dele ez mirena ti senên a
