ZAZAKÎ NEWS – Dewa Sîwanî ya qezaya Darahênî de, viraştişê helawa tuyan (dims) dest pêkerd. Cinîyê Darahênî nê karî kenî. Tuyê ke daristan û baxçan ra amey arêdayîş, tîya de pê destan yenê pelexnayîş û erzîyemê mîyanê lênanê girda. Awa tuyan cuwa pey yena parzûnkerdiş û tuyî yenî pewtiş. Helawa ke hadre bena 4-5 roî verê tîje de yena ronayîş.
"Ma hîç çîyêk ziyan nêkenê"
Fatma Dayanır ya ke dewe de helawa tuyan virazena, derheqê nê gureyê zehmetî de wina va: "Ma şefeq ra heta şan baxçan de yê. Merdimêk vecîno darê ser û tuyan têraşano, ma zî bin de arê danê. Ma tuyan anê keye, pê destan kenê û lênan de girnenî. Dıma ra parzûn kenê û reyna girnenî, tepsîyan de verê tîj de 4-5 rojî verdenê.
